Lizarrusti / Akerreta / Lareo / Ubediko Leizea / Lareo / Lizarrusti.
Gizakia eta natura bat eginda...
Aralarko Parke Naturalean barrena ibilalditxo bat egiteko gonbitea luzatzen dizugu beste behin, paraje honen edertasunak ezinaseko erakarpena sortzen duela badakigu eta.
Parkerako sarrera nagusietako batean izango duzu abiapuntua, LIZARRUSTIKO PARKETXEAn, bere garaian Nafarroa/Gipuzkoa arteko aduana lanak egiten zituen Mikeletetxea izandakoan.
Berehalakoan isiltasunak eta lasaitasunak hartuko zaitu, pagadi eta mailo artean irekitako bidean barneratuz.
Aurrerago, AKERRETAKO TUNELA aurkituko duzu, inguruko basoetatik ateratako egur ikatzaren garraioa erreztearren, harkaitzean bertan zulatutakoa. LAREOra iristean, berezkoa dirudien ur putzu batek inguruneari eransten dion bizitasunaz jabetuko zara: hauxe da Lareoko urtegia, elementu naturalen bidez egindako lehenengoa; arrantza gune garrantzitsua (kotoa). Eta erronka zaleentzat, hementxe ditugu batzu: UBEDIKO LEIZEA, Zezengorri eta Zaldi bizi omen ziren bertan, hona dator urtegiko ura eta leizea izango du bere bidea Aiaitturrietan berriro jaio arte, Maomendiko Pago Handia, basurde arrastoak eta PERRETXIKUAK! Ea aurkitzen dituzun!
Luzera: 8,5 Km.
Iraupena: 3 Ordu 30 min.
